ساراليب سولان سئوگي

گئجه دير هله ده ياتماميشام من

اؤزوم اؤز اؤزومله بوغوشماقدايام

ائله چيمچشميشم اينسان آديندان

بير باشقا مووجودا قوووشماقدايام

******************

 توپلومسال حاياتين فلسفه سينده

شر قاچير بير يانا خئيير بير يانا

بشر شرري توتور يارانان گوندن

 گلير يازيقليغيم يازيق اينسانا

***************

اؤنومده سريلن لوت وادي لرين

دئييرديم سونجو يقين دنيزدير

بئله اينانميشديم قارا وارليغين

قورتولوش نقطه سي حتما شرسيزدير

********************

پيسليك لر اؤنومده دوزاق قوردولار

اويانديم روحومو باتلاقداريندان

باتماديم گؤله يه ليلفرلركيمي

توتماديم فله يين آياقلاريندان

**********************

 آند اولسون شيطانين گوورلوغونا

اهريمن اوزونو بشر آغاتدي

دئديگي بلي ني چئينه ييب توكدو

گويون بئلين بوكدو،يئري قوجاتدي

***********************

يورولدوم ايچيمده سومسينن ايت دن

ياپيش قورتار مني اي قوجا تانري

آلگينان وردييين جاني راضييام

سوموك جسديمدن اي اوجا تانري

**********************

ايمامي يوخ اولودو قارانليق لاردا

بوشلادي توپراغا اولان سئوگي سين

قوتاردي دونيانين توستولويوندن

ايچينده ساراليب سولان سئوگي سين

شعر :غلامرضا امام علیزاده(امامی